Кукмара районында Түбән Өскебаш авыл җирлеге советы депутатын өстәмә сайлаулар уза

Бүген, 10 декабрьдә, Татарстан Республикасының 15 районында шәһәр һәм авыл җирлекләре советлары депутатларын өстәмә сайлаулар уза.

«Кукмара районында бер мандатлы Мәктәп 1нче номерлы сайлау округы буенча дүртенче чакырылыш Түбән Өскебаш авыл җирлеге депутатын өстәмә сайлаулар уза. 1700нче сайлау участогы Югары Өскебаш авылында ачылган. Тавыш бирүдә катнашучы сайлаучылар саны 66. Сайлау бюллетененә өч кандидатның фамилияләре кертелгән», — дип сөйләде Кукмара районы территориаль сайлау комиссиясе секретаре Ирина Ходова.

Сайлау участоклары 7.00 сәгатьтә ачылды һәм 20.00 сәгатькә кадәр эшләячәк.