Кукмара районы халкына Дәүләт төркемнәренең мөһимлеге турында сөйләделәр

Бүгенге көндә Татарстанда 2,8 миллионнан артык кеше язылучысы булган 6885 дәүләт төркеме төзелгән.

ВКонтакте һәм Одноклассники социаль челтәрләрендә булдырылган битләр хакимият органнарының ачыклыгын арттыра, шулай ук дәүләт оешмалары турында аңлаешлы, төгәл, тулы мәгълүмат бирә. Татарстан Дәүләт пабликлары саны буенча Россиядә лидер булып тора. Һәр төбәк, шул исәптән Татарстан Республикасы өчен органнар һәм оешмалар исемлеге Росстат мәгълүматлары нигезендә билгеләнде.

Кукмара районы халкы «ВКонтакте» дәүләт төркемнәреннән актуаль мәгълүмат таба һәм элемтәгә керә ала. Аларның иң актуале — безнең муниципаль район башкарма комитеты https://vk. com/kukmortatarstan

Кукмара районы Башкарма комитетының мәгълүмати-коммуникацион технологияләрне үстерү бүлеге начальнигы Илнар Гаязов социаль челтәрләрдә дәүләт битләренең (госпаблик) халык өчен өстенлекләре турында сөйләде: 

«Госпабликлар — ул Россия социаль челтәрләрендә дәүләт һәм җирле хакимият органнарының рәсми битләре һәм берләшмәләре. Дәүләт пабликларының төп бурычы — файдалы, актуаль һәм мөһим мәгълүмат җиткерү, шулай ук халык белән кире элемтә булдыру, кешеләргә көндәлек проблемаларны хәл итүдә булышу. Дәүләт паблигы аша граждан шикаять калдыра ала, мәсәлән, коммуналь хезмәтләр, идарәче компаниянең эшенә карата, шулай ук баланы мәктәпкә бирү, яки спорт секциясенә яздыру буенча консультация алырга мөмкин. Еш кына без су, ут, җәяүлеләр тротуарлары булмау, юлларның начар сыйфаты, чүп-чар, агач кисү, йортсыз этләр турында шикаятьләр кабул итәбез»

Төркемнәр мөрәҗәгатьләрне кабул итү, халыкны борчыган сорауларга кыска вакыт эчендә җавап бирү функциясен үти. Шулай ук дәүләт төркемнәрендә авыл һәм район тормышы вакыйгалары һәм чаралары турында актуаль мәгълүматны табарга мөмкин.