Кукмара районы прокуратурасы Татарстаннан бер остеопатның медицина эшчәнлеген лицензияләү турындагы закон бозуларны ачыклады

Кукмара районы прокуратурасы җирле халыкның мөрәҗәгате буенча тикшерү уздырды.

Яр Чаллы шәһәрендә яшәүче ир-атның Кукмара районы кешеләренә остеопат хезмәте күрсәтүе ачыкланган. Аның медицина хезмәтләре күрсәтүгә махсус рөхсәте (лицензиясе) булмаган.

Махсус рөхсәтсез (лицензиясез) эшкуарлык эшчәнлеген гамәлгә ашырганы өчен хокук бозучыга карата административ эш кузгатыла.

Ир-атка дәүләт кеременә 2 мең сум күләмендә административ штраф билгеләнә.