Кукмара металл савыт-сабалар заводы, «Хезмәт батырлыгы предприятиесе» исемен алып, Татарстан Республикасының мактаулы предприятиеләре исемлеген тулыландырырга мөмкин.Татарстан Республикасы Рәисенең тиешле указы хәзерге вакытта коррупциягә каршы экспертиза уза.

Ерак 1743 елда нигезләнгән әлеге предприятие бай тарихка ия. Бөек Ватан сугышы елларында Кукмара металл савыт-сабалар заводы фронтны тәэмин итүгә зур өлеш керткән, кирәкле продукция — арбалар һәм чаналар ясаган. Сугыштан соң производство алюминий савыт-сабалар җитештерүгә юнәлдерелгән, ул бүгенге көнгә кадәр зур популярлык казана.

«Хезмәт батырлыгы предприятиесе» исеме бирелү бу үткәнгә хөрмәт күрсәтү генә түгел, ә киләчәк үсеш һәм яңа казанышларга этәргеч тә.

Фото: Эльвира Иванова/ «Кукмор-информ»