Кукмара егете үлем белән тәмамланган юл-транспорт һәлакәте өчен суд каршына басачак

Кукмара районы прокуратурасы 18 яшьлек ир-егеткә карата җинаять эше буенча гаепләү карарын раслады. Ул автомобиль белән идарә иткәндә юл хәрәкәте кагыйдәләрен бозу, саксызлык аркасында кеше үлеменә китерүдә гаепләнә.

Тикшерү версиясе буенча, 2023 елның 24 июнендә иртән гаепләнүче, Киа Рио автомобиле белән Кукмара шәһәренең Салих Сәйдәшев һәм Планетарная урамнары киселешендә ВАЗ-21150 автомобиленә юл бирми һәм аңа бәрелә.

Авария нәтиҗәсендә алган җәрәхәтләрдән ВАЗ-21150 автомобиле йөртүчесе урында ук вафат була.

Егет үз гаебен таныды.

Җинаять эше район судына карау өчен җибәрелде.