Кабер өстенә iPhone 6 урнаштырганнар

Уфаның Көньяк зиратында җирләнгән бер кызга алтынчы модель айфон рәвешендә эшләнгән кабер ташы куйганнар.

Кабер ташы чын-чынлап айфон формасында эшләнгән. Аның тавыш төймәләре, камера урыны, фонаре, бренд логотибы бар, дип яза kiziltan.ru.

170 сантиметр биеклектәге кабер ташының - "гаджет"ның алгы панелендә яшь кенә кызның фотосурәте урнашкан...

Әлбәттә, үзенчәлекле кабер ташы Интернетны "шаулата". Берәүләр - кискен тәнкыйтьли, икенчеләр хуплый. Ничек кенә булмасын, якты дөньядан киткән кешегә хәзер инде барыбер, тыныч ятсын...

Фото: ntv.ru