Бөтенроссия халык санын алу 15 октябрьдән 14 ноябрьгә кадәр узачак

Россия Федерациясе Хөкүмәтенең 2021 елның 16 августындагы 1347нче номерлы карары нигезендә 2021 елның 15 октябреннән 14 ноябренә кадәр Бөтенроссия халык санын алу үткәрелә. Бу хакта Кукмара районы дәүләт статистика бүлеге хәбәр итә.
 
Халык санын алу вакытлыча исәпкә алу персоналын - исәпкә алучыларны җәлеп итү юлы белән башкарылачак.

Шулай ук гражданнарга Россия Федерациясе Дәүләт хезмәтләре Порталы аша, стационар исәпкә алу участокларында һәм дәүләт хезмәтләре күрсәтүнең күпфункцияле үзәкләрендә мөстәкыйль рәвештә исәпкә алынырга мөмкин.