Бер кукмаралы электричкада сумка урлаган

Агымдагы елның апрель аенда Кукмара район суды урлау, ягъни чит кеше мөлкәтен үзләштерүдә гаепләнүче кукмаралыга карата җинаять эшен караган. 

Үткән елның декабрь аенда “Казан-Сосновка” электр поездында исерек ир-ат “Каенсар” тукталышы вакытында вагондагы урындыктан бер хатын-кызның сумкасын урлаган. Аннан соң ул вагоннан төшеп калып, вакыйга булган урыннан качкан. Әлеге гамәле белән ир-ат хатын-кызга 20539 сум 88 тиенлек зыян китергән. Суд утырышында ир-ат гаебен таныган. Ул суд карары нигезендә 5 айга ирегеннән мәхрүм ителеп, җәзаны гомуми режимдагы төзекләндерү колониясендә үтәчәк.
 
Кукмара район судының матбугат хезмәте
фото: Татар-информ