Балыклы авылы бөясенә аккошлар төшкән

Кичә Балыклы авылы халкы үзләре янындагы бөялә аккошлар күреп гаҗәпкә калганнар.

Инстаграм челтәрендәге фото авторының сүзләренә караганда, авылда бөя моннан ике ел элек ясалган, ә анда аккошлар беренче тапкыр төшкәннәр. “Беркөнне алар безнең тирәдән төркемнәре белән очып киттеләр, күрәсең, өчесе генә бөягә төшкән. Алар шундый зур һәм бик матур”, - дип яза ул. Билгеле булганча аккошлар чиста һәм тыныч су яраталар. Биредә алар озак торырлармы анысы билгесез.