Әниле булу — иң зур бәхет: «Әнием, кадерлем» флешмобына кушылыгыз

Әниле булу, әни булу — иң зур бәхет. Ничә яшьтә булуыбызга карамастан, безгә һәрвакыт әни кирәк. Шатлыклы чагыбызда әнинең нур чәчеп торган күзләре, авыр чакта җылы карашы, йомшак куллары яшәргә көч бирә, тормышка ямь өсти.

Тиздән җылы, матур бәйрәм — «Әниләр көне» җитә. Әлеге бәйрәм уңаеннан социаль челтәрләрдә «Әнием, кадерлем» дип аталган флешмоб башлыйбыз.

Сездән, дуслар, әниегез белән төшкән фоторәсем һәм аның турында кыскача мәгълүмат көтеп калабыз.

Иң күп лайклар җыйган катнашучыны истәлекле бүләк көтә.

Фото: ясалма интеллект ярдәмендә ясалды