Кукмара районында кабат исерек килеш транспорт чарасы белән идарә иткән өчен ир-ат хөкем ителәчәк

Кукмара районы прокуратурасы Кукмара районында яшәүче 37 яшьлек кешегә карата җинаять эше буенча гаепләү актын раслады. Ул Россия Федерациясе Җинаятьләр кодексының 264.1нче маддәсенең 1нче өлешендә каралган җинаять кылуда гаепләнә (исерек хәлдә машина йөрткән килеш җәзага тартылган булып, янәдән автомобиль руле артына утыру). 

Эш материалларыннан күренгәнчә, 2025 елның 17 сентябре кичендә Кукмара районының Аш-Буҗи—Мәмәшир автомобиль юлында «Лада Калина» автомобиле руле артында исерек ир-ат полиция хезмәткәрләре тарафыннан тоткарлана.

Документларын тикшергәндә җинаятьченең Россия Федерациясе Административ хокук бозулар турындагы кодексының 12.8нче маддәсенең 1нче өлеше буенча административ җаваплылыкка тартылган булуы ачыклана. Ул вакытта әлеге ир-ат 45000 сум штрафка тартылган һәм 1 ел да 6 айга транспорт чарасы белән идарә итү хокукыннан мәхрүм ителгән була.

Ир-ат үз гаебен тулысынча таныды.

Җинаять эше судка җибәрелде.

Фото: Татар-информ» МА