Район Мәдәният йортында таныштыру клубы эшли

Бәхетеңне читтән эзләмә, дигән өлкәннәр. Әлеге гыйбарә нәкъ менә гаилә корырга өлгермәгән егетләр һәм кызларга, парсыз көе гомер көзенә якынлашучы ялгызакларга кагыла кебек. Тормыш юлыннан бергә атлардай якын кешегез күрше авылда яисә күрше урамда гына яшидер. Сезнең турыда уйлап йөрсә дә, хисләрен ачып салырга, яратуын белдерергә кыюлыгы җитмидер. Ә бәлки, сез күрше районда гомер итүче берәүнең хыялында йөрткән яртысыдыр. Район Мәдәният йортында оешкан "Ике йөрәк" таныштыру клубы сезгә бер-берегезне табарга, кавышырга ярдәм итәр. Әлеге клуб эш көннәрендә 8.00-17.00 сәгатьләрдә эшли. Индир Сабирҗановка мөрәҗәгать итә аласыз.