Олыяз клубында "Онытылмас яралар" дигән кичә үтте

Олыяз авылында Әфганстанда һәч Чечняда , кайнар нокталарда хезмәт итеп, Ватан алдында үзләренең бурычларын намус белән үтәгән авылдашларыбыз шактый. Мәдәният йортында үткәрелгән кичәбезне дә "Онытылмас яралар" дип атадык. Авылыбызның яшьләре белән волейбол ярышында көч сынашканнан соң, Лилия Гарипова башкаруында җырларны алар бик дулкынланып тыңладылар. Аннан соң сөйләшүебез табын артында дәвам итте. Бу батыр авылдашларыбызны тагын бер кат Ватанны саклаучылар көне белән тәбрик итәбез. Аларга нык сәламәтлек, кайгы-хәсрәтсез көннәр теләп калабыз.