Лубян көллияте студентлары Краснодардан җиңү белән кайтты (фото)

Краснодарда "Яшь һөнәрчеләр" (WorldSkills Russia) V милли чемпионатының финалы узды. Гомумкоманда зачетында Татарстан Республикасы командасы 2 урынны алды.

Чемпионатта 109 компетентлык буенча көллият, техникумнарда һәм мәктәпләрдә белем алучы 1300дән артык егет-кыз катнашты. Аларның хезмәтләрен 1600 эксперт тикшерде.

Лубян урман-техник көллиятенең 1 курс студентлары Станислав Козырев һәм Ульяна Селюниналар командасы "Ландшафт дизайны" компетентлыгы буенча бәйгедә 3 урынны алды. Алар Татарстан һәм Идел буе федераль округын тәкъдим итте. Чын күңелдән котлыйбыз!

фото Инстаграмнан алынды