Кукмараның яшь йолдызчыклары “Пирамида” сәхнәсен гөрләтте

Казанның "Пирамида" күңел ачу комплексында "Созвездие-Йолдызлык" фестиваленең Гала-концерты узды. Анда фестивальнең иң яхшы номерлары чыгыш ясады. Җырчы-биючеләр арасында кукмаралылар да бар иде. "Киндер сюрприз" (күппрофильле лицей, җитәкчесе Миләүшә Закирова), "Выше радуги" (балалар сәнгать мәктәбе, кечкенәләр төркеме, җитәкчесе Венера Гыйләҗева) вокаль ансамбльләре "Пирамида" сәхнәсен гөрләтте. Илзирә Зарипова (җитәкчесе Лилия Нурмеева) соло-вокал номинациясендә беренче дәрәҗә лаурает булды. Ул "Озарение" дигән бик матур җыр башкарды.

Гала-концерт "Кояш" дискотекасы белән тәмамланды.