Кукмаралылар “Виктория”дә җиңү яулады

Кукмара балалар сәнгать мәктәбе укучылары балалар һәм яшүсмерләр иҗатының "Виктория" VIII Халыкара конкурс-фестивалендә катнашты. Наилә Закирҗанова һәм Ильяс Нигъмәтуллин "Инструменталь башкару. Фортепиано" номинациясендә - беренче дәрәҗә, Дилә Мәхмүдова өченче дәрәҗә дипломантлар булдылар. Укытучылары - Динора Мамкина. Ильяс "Татар пьесасын яхшы башкарган өчен" дипломы белән дә бүләкләнде. "Инструменталь башкару. Кыллы уен кораллары" номинациясендә Илназ Мөбарәкшинга беренче дәрәҗә лауреат дипломы тапшырылды. Укытучысы - Эльмира Гомәрова.