#ТатарстанныңЯхшыХәбәрләре акциясе дәвам итә.

(Кукмара, 8 сентябрь, "Хезмәт даны"). Кукмарада яшәүче Нурсамә Шәйхетдинова - тыл хезмәткәре. Ул 1932 елда дөньяга килгән, балачактан өченче төркем инвалид. 1972 елда үзенең һәм туганнарының тырышлыгы белән йорт төзегән булганнар. Нурсамә апа анда үзенең инвалид энесе белән күчкән. Тыл хезмәткәре хәзерге вакытта да әлеге йортта яши. Әмма өйнең нигезе җимерелә башлаган, фундаментта үтәли тишекләр барлыкка килгән. Шуның өчен кышын өйдә аеруча салкын. Нурсамә апа аны төзекләндерә алмый. Хәйрия ярдәме буларак тапшырылган 10 мең сум акча хисабына пенсионер яши торган йортның фундаменты һәм баскыч төбе төзекләндерелде, дип хәбәр иттеләр "Тылсым" халыкка социаль хезмәт күрсәтү үзәгеннән.