Кече һәм урта эшмәкәрләр игътибарына

89нчы Федераль законның 5,6 маддәсенә үзгәрешләр керү сәбәпле, 2016 елның 1 гыйнварыннан кече һәм урта эшмәкәрлелеккә кагылышлы барлык оешмалар Татарстан Республикасының экология һәм табигый байлыклар министрлыгының Төньяк территориаль идарәсенә барлыкка килгән калдыклар буенча еллык отчет тапшырырга тиеш.

Отчет формасы Экология һәм табыгый байлыклар министрлыгының сайтында урнаштырылган (http://eco.tatarstan.ru/rus/ob-otchetnosti-subektov-malogo-i-srednego.htm).

Отчетны вакытында тапшырмау Федераль законны бозуга китерә һәм табигый байлыкларны кулланучы Россия Федерациясенен административ Кодексының 8,2; 8,5 маддәләре буенча җаваплылыкка тартыла.

Отчет Экология һәм табигый байлыклар министрлыгының Төньяк территориаль идарәсенә 2016 елның 1 мартына кадәр кәгазь һәм электрон формада, Арча шәһәре Интернациональная урамы, 41нче йорт адресы буенча тапшырылырга тиеш. Белешмәләр өчен телефон 8-843-32161.