Фото: Адай авылында боз өстендә кышкы уеннар үткәрелде

Бүген Адай авылының хоккей мәйданчыгында боз өстендә кышкы уеннар үткәрелде. Авыл халкы салкыннан куркап тормады, рәхәтләнеп күңел ачты: чанага утырып узышты, кәшәкә сукты, аяк бәйләп йөгерде, биеде, хәтта кадак та какты. Авыл үзешчәннәренең матур җырлары бәйрәмне тагында ямьләндереп җибәрде. Уеннар ир-ат һәм хатын-кызлар командаларының аркан тартышуы белән тәмамланды. Командалар бирешмәде, нәтиҗәдә дуслык җиңде.

Авыл халкы шундый бәйрәм-кичәләр уздырган өчен клуб мөдире Фәния Хәбибуллинага бик рәхмәтле. Ул өлкәннәр, яшьләр белән дә килешеп, бик матур хезмәт куя. Аңа киләчәктә дә эшендә уңышлар юлдаш булсын.

Ризилә КОРБАНОВА, автор фотолары