Байлангар урта мәктәбендә "Аҗаган" ярышлары үтте (фото)

Инде берничә ел район күләмендә мәктәп командалары арасында авылдашыбыз Әминов Айдар Фазылгали улының якты истәлегенә "Аҗаган" ярышлары уздырыла. Айдар Фазылгалиевич Байлангар урта мәктәбендә тормыш иминлеге дәресләрен укытты, укучылар белән хәрби әзерлек алып барды, Байлангар авыл җирлеге башлыгы булып эшләде. Бу ярышларны быел үзебезнең Байлангар урта мәктәбе базасында үткәрдек. Бәйгедә 14 команда катнашты. Яшь армиячеләр сафта тезелеп атлау һәм аерым хәрби-гамәли спорт төрләрендә ярыштылар.

Ярышларны үткәрүдә спонсорлык ярдәме күрсәткән изге күңелле авылдашларыбыз! Сезгә олы рәхмәтебезне җиткерәбез. Сезнең ярдәмегез бу бәйгене файдалы һәм кызыклы итеп оештыруга яхшы этәргеч, изге гамәл булды.

Байлангар урта мәктәбе коллективы