Файдалы киңәшләр

Буяу исен ничек бетерергә?
Моның өчен сулы савытка боҗралап туралган суган салыгыз. Берничә сәгатьтән соң бүлмәдәге буяу исе бетәчәк.

Лимон кислотасы – юшкынга каршы
Чәйнекне юшкыннан ничек чистартырга, дигән сорау күпләрне борчый. Җавабы бик гади! Чәйнеккә лимон кислотасы белән су саласы да берничә тапкыр кайнатып аласы. Соңыннан губка белән юшкынны юып төшерәсе генә кала.

Зеленка табыннан котылу сере
Ялгышлык белән түгелгән зеленка табын бетерүе бик авыр булса да, андый ысул бар. Тап өстенә – сода, ә содага уксус саласы да сөртеп аласы.

Гөмбәчекләргә каршы чара
Әгәр дә базда гөмбәчекләр барлыкка килсә, суда куе итеп марганцовка эремәсен җебетәсе дә шул катнашманы гөмбәчекләргә сылыйсы.

Торба тыгылса
Яңа кайнаган 3 литр суга 3 аш кашыгы кальцийлы сода (натрий карбонаты) салып болгатасы һәм раковинадан агызып җибәрәсе.