“Чиста шәһәр” оешмасы хезмәткәрләре үз эшләрен иртәнге сәгать дүрттә үк башлап җибәрәләр

Поселок урамнарындагы чүп-чарны җыеп йөрү генә түгел, тагын бик күп хезмәт йөкләнә аларга. "Ленин бакчасы" дип йөртелүче ял паркында да төзелешнең башыннан ахырына кадәр эшләделәр алар. Иң элек территорияне җыештырдылар, аннары балчык тараттылар, печән чәчтеләр, агач үсентеләре, чәчәкләр утырттылар. Хәзер дә тирә-юньне ямьгә төреп утыручы чәчәкләргә көн саен ике тапкыр су сибәләр. Шулай ук парк территориясен җыештыру да әлеге оешма хезмәткәрләренә йөкләнгән. Дуслар, әйдәгез, аларның хезмәтләрен хөрмәт итик, чисталык, тәртипне саклыйк. Матурлыкны барыбыз да яратабыз бит.

Әлфинур апагыз, Кукмара.