Баскычка су ага

Элеватор янындагы 54 йортка керә торган баскычка түбәдән кар, яңгыр сулары ага, салкын һавада ул бозланып ката. Егылучылар да булып тора, аеруча балалар егыла. Баскыч өстенә түбә ясап куясы иде.

Әлеге йортта яшәүче

Бу сорауга "Ремстройсервис" оешмасының баш инженеры Илдар Зәйнетдинов җавап бирде:

-Баскыч өстенә түбә капремонт вакытында гына эшләнелә. Аның өчен аерым мөмкинлек юк. Йорт алларын карап, чистартып тору өчен, гомумән, Кукмарада ишегалды себерүче (дворник) хезмәте каралмаган. Шуңа күрә бу йортта яшәүчеләргә үзләренә бу турыда кайгыртырга кирәк.

фото: http://gazeta.a42.ru/lenta/show/borba-s-tarakanami-privela-k-vyizovu-spasateley.html