Кукмарада узган рейд вакытында ЮХИДИ инспекторлары исерткеч эчемлек куллану билгеләре булган шоферны ачыклаган

2 декабрь көнне 8.00-10.00 сәгатьләрдә ЮХИДИ һәм участок инспекторлары Кукмараның Магистральный урамындагы 65нче йорт янында «Тоннель» операциясе уздырды. Бу хакта Кукмара районының ЮХИДИ бүлегендә хәбәр иттеләр. 

Рейд вакытында юл хәрәкәте кагыйдәләрен бозуның 10 очрагы теркәлгән. Болар: җәяүлеләрнең юл йөрү кагыйдәләрен үтәмәве (6), тиешле вакытта штраф түләмәү (2), урам чатын узу кагыйдәләрен бозу (1). Моннан тыш, исерткеч эчемлек куллану билгеләре булган шофер ачыкланган. Аның транспорты штрафлар тукталышына куелган.

Фото: Эльвира Иванова/ «Хезмәт даны»