Кукмарада хатын-кыз идарә иткән машина баганага бәрелә

Район ЮХИДИ бүлегеннән хәбәр итүләренчә, 12 октябрь көнне, 10.10 сәгатьтә Кукмараның Гафиятуллина урамы, 4В йорты янында юл һәлакәте була. 24 яшьлек хатын-кыз “Чери Тиго” машинасы белән А. Королев урамыннан М. Гафури урамына таба хәрәкәт иткән вакытта, юл хәрәкәте иминлеген тәэмин итүче тизлекне сакламау аркасында идарәне югалта һәм каршы як юл читенә чыгып, электр баганасына бәрелә.
Һәлакәт нәтиҗәсендә машина йөртүче төрле дәрәҗәдәге тән җәрәхәтләре белән район үзәк дәваханәсенә озатыла.

фото: район ЮХИДИ идарәсе