Кукмарада «Йолдызлар Кубогы»на хоккей турниры узды

30 ноябрьдә һәвәскәр командалар арасында «Йолдызлар Кубогы»на хоккей турниры узды. Турнирда Кукмарадан «ВКХ», Сосновкадан «Витязь», Казаннан «Радогост», «Чайка», «Фемида», Бөгелмәдән «Бөгелмә» командалары катнашты. Бу хакта «Олимп» боз сараенда хәбәр иттеләр.

Уен нәтиҗәләре буенча «Бөгелмә» командасы — 3нче, «Фемида» 2нче урынны алды, «Радогост» командасы турнирның җиңүчесе дип танылды.

Номинацияләр буенча да иң яхшылар ачыкланды: «Иң яхшы капкачы» — Артур Мөхәммәтҗанов («Радогост»), «Иң яхшы сакчы» — Ленар Мөлеков («Фемида»), «Иң яхшы һөҗүмче» — Артур Миндубаев («Чайка»), «Иң яхшы бомбардир» — Раниф Гыймадетдинов («Витязь»), «Иң яхшы уенчы» — Илдар Акимбитов (Бөгелмә), «Иң кыйммәтле уенчы» — Сергей Димитриев («ВКХ»).

Призерларга һәм иң яхшы уенчыларга Кубоклар, истәлекле бүләкләр тапшырылды.

фото: «Олимп» боз сарае