Якташыбыз Чувашиядән җиңү белән кайтты

Чувашия Республикасының Комсомол районы Урмай авылында “Урмай-Зәлидә” VI халыкара төрки дөнья традицион мәдәнияте фестиваль-конкурсы үтте. Анда 700 катнашучы җиде номинация буенча үзләренең талантларын күрсәттеләр. Вахит авылыннан Нияз Кәримуллин әлеге фестивальдә катнашып, “Халык җырларын башкару” һәм “Музыка мәдәнияте, төрки халыклар турында фәнни тикшеренүләр эше” номинацияләрендә  I дәрәҗә лауреат исеменә лаек булды.