Татарстанда коронавирус белән зарарлануның 28 яңа очрагы ачыкланган

Республикада Covid-19 белән зарарлануның 28 яңа очрагы расланган. Бу хакта «Татар-информ» мәгълүмат агентлыгына коронавирус буенча оператив штаб хәбәр итә.

Инфекция йоктырган 4 кеше хастаханәгә салынган, калган 24 кеше өендә дәвалана. Барысы да элемтә нәтиҗәсендә авыручылар.

Авыручыларның күбесе Казан шәһәрендә – 20. Питрәч районында – ике, Аксубай, Буа, Югары Ослан, Норлат, Спас, Чистай районнарында – берәр очрак.

Татарстанда бу бөтен вакыт эчендә 5751 Covid-19 очрагы теркәлгән, 4597 кеше терелгән.

фото: «Татар-информ»