Хезмәт даны
  • Рус Тат
  • Татарстанда беренче бала туган гаиләләргә 3,5 млн сумга якын акча бирелде

    Республикада балалы гаиләләргә социаль ярдәм күрсәтелә.

    2021 елда Татарстанда 35 меңнән күбрәк гаиләгә беренче бала туу белән бәйле түләүләр бирелгән. Бу хакта ТР Икътисад министрлыгының матбугат хезмәте хәбәр итә, дип яза «Татар-Информ» МА.

    «Демография» илкүләм проекты нигезендә гаиләләргә 3 489,9 млн сум акча түләнгән.

    Шулай ук авыл җирлегендә яшәүче гаиләләр дә беренче һәм өченче бала туган өчен түләүләр алды. Бу максатларга 131,1 млн сум бүлеп бирелде. Шул ук вакытта республикада 36 меңнән артык өч яшькә кадәрге бала махсус азык-төлек продуктлары белән тәэмин ителде. Моның өчен узган ел 466,8 млн сум акча бүлеп бирелде.

    Реклама

    Узган ел илкүләм проект нигезендә 7 835 өлкән яшьтәге граждан һәм инвалид озак вакыт дәвамында карау системасы белән тәэмин ителде. Бу максатларга 131,1 млн. сум бүлеп бирелде.

    Балалар бакчасына йөрүче балаларга да ярдәм күрсәтелә. Бу очракта ата-аналар түләгән акчаның бер өлешен компенсацияләү мөмкин. Узган ел аларга 911,6 млн сум компенсация түләнде.

    Илкүләм проектлар 2019 елдан башлап Россия Федерациясе Президенты Владимир Путин карары нигезендә гамәлгә ашырыла.

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: