Манзарас урта мәктәбендә ветераннарның утырышы үтте

Ветеран-җитәкчеләр клубының чираттагы утырышы Манзарас урта мәктәбендә узды. Утырыш эшендә район башлыгы урынбасары Равия Каримуллина катнашып, чыгыш ясады, ветераннарның сорауларына җавап бирде.

Өлкәннәр шулай ук мәктәп тормышы, укудагы уңышлар  белән таныштылар, биредәге чисталыкка һәм матурлыкка сокландылар, аннары Советлар Союзы Герое Сабир Әхтәмов музеенда булдылар. Укучылар көче белән әзерләнгән концертны да яратып тамаша кылды алар.

Ахырдан район ветераннар советы рәисе Валентин Иванов һәм иҗтимагый Совет җитәкчесе Әлфинур Сабитова мәктәп коллективына Рәхмәт хаты тапшырдылар.

Азат САБИТОВ

фото: Рәшит Минлегалиев