Кукмарада яшәүче бер ханым танышының банк картасыннан акча урлаган өчен хөкем ителгән

Кукмарада яшәүче бер ханым танышының банк картасыннан акча урлаган өчен хөкем ителгән. Бу хакта Кукмара район судының матбугат хезмәте хәбәр итә.

«Кукмарада яшәүче 56 яшьлек бер ханым танышына банк картасын биреп, PIN-кодын хәбәр итә. Соңгысы исерек хәлдә кибетләрнең берсендә акчаны да салдыра, тик акчаны да, картаны да кире кайтарып бирми. Алга таба хөкем ителүче акчадан үзенчә файдалана», - дип сөйләделәр район судында.

Нәтиҗәдә җинаятьче 11 мең сум акча урлаган.

Суд утырышында хөкем ителүче үз гаебен тулысынча таныды.

Суд шартлы рәвештә ирегеннән мәхрүм итү рәвешендә җәзасын билгеләде.

Фото: ИА «Татар-информ»