Кукмарада хатын-кыз ялган транспорт йөртү таныклыгыннан файдаланган өчен суд каршына басачак

Кукмара районы прокуратурасы 35 яшьлек хатын-кызга карата кузгатылган җинаять эше буенча гаепләү карарын раслады. Ул ялган машина йөртү таныклыгын куллануда гаепләнә.

Тикшерү версиясе буенча, агымдагы елның мартында хатын-кыз «ВАЗ 111130» маркалы автомобиль белән идарә иткәндә аны Дәүләт автоинспекциясе хезмәткәрләре туктата һәм алар машина йөртү таныклыгының ялган булуын ачыклый.

Хезмәткәрләр ачыклаганча, 2024 елның октябрендә гаепләнүче билгесез заттан автомобиль йөртү таныклыгы сатып ала. Ул аны Кукмара шәһәрендә транспорт чарасы белән идарә иткәндә куллана. 

Хатын-кыз үз гаебен таный.

Җинаять эше судка җибәрелә.