Кукмарада Казахстан кешесе суд каршына басачак

 Районыбыз прокуратурасы Казахстан республикасы Шымкет өлкәсе Абай районының 55 яшьлек кешесенә карата җинаять эше буенча гаепләү актын раслады. Гаепләнүче 14 ноябрь көнне 16 сәгатьләр тирәсендә автомобильдә куркынычсызлык каешын эләктермичә хәрәкәт иткән өчен законда каралган җаваплылыктан качу нияте белән инспекторга 500 сум күләмендә ришвәт тәкъдим иткән. Полиция хезмәткәре аннан баш тартып, ришвәтченең гамәленә чик куйган. Ир-ат үз гаебен тулысынча таныган, җинаять эше җәмәгать судына җибәрелгән.

фото https://pixabay.com/ru/