Кукмарада бер ир шешәдәшен кыйный һәм талый

50 яшьлек ир кеше үзенә һөҗүм итүләре турында полициягә икенче көнне хәбәр итә. Ул алдагы көнне үзенең өендә танышы белән спиртлы эчемлекләр куллануларын сөйли. Алкоголь беткәч, шешәдәшләр арасында гауга чыга. Элегрәк хөкем ителгән 37 яшьлек ир-ат, фатир хуҗасына суга башлый, пычак белән яный, аның 19 мең сумлык милеген алып чыгып китә. Бу турыда 16.мвд сайты яза.
Шикле кеше җинаятьчеләрне эзләү төркеме хезмәткәрләре тарафыннан тоткарлана. Ир кешедән урланган әйберләр алына.
Әлеге факт буенча Россия Федерациясе Җинаятьләр Кодексының 162 маддәсе, 2 бүлеге буенча җинаять эше кузгатыла.

фото: Фото: кукмор.16.мвд.рф