Кукмара урманчылары һөнәри бәйрәмнәре көнне сайлауларда катнашты

Бүген урман хуҗалыгы хезмәтчәннәре өчен икеләтә истәлекле көн, беренчедән, алар һөнәри бәйрәмнәрен билгеләп үтә, икенчедән Россия Федераль Собраниесе Дәүләт Думасына депутатлар сайлауда катнаша. Кукмара участок урманчысы Инсаф Хәевның сүзләренә караганда, алар коллективта 25 кеше хезмәт куя һәм барысы да сайлауларда үзләренең тавышларын биргән.
- Безнең максатыбыз – яшел табгатьне саклау, аны киләчәк буыннарга мирас итеп калдыру. Шулай ук сайлауларга бару да безнең гражданлык бурычыбыз. Илебезнең киләчәге хәл ителә торган мондый мөһим вакыйгадан читтә кала алмыйбыз, - диде ул. - Коллективыбызда үз һөнәрләренең осталары, табигатьне чиксез яратучы хезмәткәрләр эшли. Хезмәттәшләремне, урман тармагына катнашы булган һәркемне дә бәйрәмебез белән тәбрик итәм. Эшләребездә уңышлар, илебезгә тынычлык телим.
Ризилә КОРБАНОВА/ “Хезмәт даны”