Кукмара районында рецидивистны урлауда гаеплиләр

Кукмара районы прокуратурасы элек хөкем ителгән 34 яшьлек җирле кешегә карата җинаять эше буенча гаепләү карарын раслады. Ул мошенниклык һәм законсыз рәвештә үтеп кереп әйбер урлауда гаепләнә.

Тикшерү версиясе буенча, 2020 елның июнь башында ир-ат, Балыклы авылы янындагы басуга куелган авыл хуҗалыгы предприятиесенең металл будкасына законсыз рәвештә үтеп кереп, генератор, электродрель, нивелир, эретеп ябыштыру аппаратын урлый. Зыян күләме 22 мең сумнан артып китә.

Моннан тыш, 2020 елның сентябреннән 2021 елның февраленә кадәр гаепләнүче төрле сәбәпләр белән дүрт кешедән 23 мең сум акча урлаган. Ул аларны әнисенә кыйммәтле операциягә акча кирәк иде дип ялганлый яки дизель ягулыгы, бензин, утынны түбән бәядән сатып алырга тәкъдим итә.

Ир үз гаебен тулысынча таныган, тик зыянны капламаган.

Җинаять эше район судына җибәрелде.