Кукмара районында ир учак янында йокыга киткән һәм үлемгә китерә торган җәрәхәтләр алган

Кукмара районының Плаксиха авылыннан ерак түген Нократ елгасы буенда бер ир-ат учак янында йокыга китә һәм, пешеп, көчле тән җәрәхәтләре ала. Бу хакта Балтач һәм Кукмара районнары буенча районара янгын күзәтчелек эшчәнлеге һәм профилактик эш бүлеге хәбәр итә.

Бу хәл 22 апрель көнне Нократ елгасының сул як ярында, Плаксиха авылы янында була. Учак янында йоклап, ир көчле тән җәрәхәтләре ала. Зыян күрүчене ашыгыч рәвештә Алабуга үзәк район дәваханәсенә илтәләр. Ир-ат тән җәрәхәтләреннән 12 майда вафат була.

Районара күзәтчелек эшчәнлеге бүлеге учак якканда янгын куркынычсызлыгы кагыйдәләрен үтәргә чакыра.

Фото: Эльвира Иванова/ «Хезмәт даны»