Кукмара районында 31 градуска кадәр салкын булуы көтелә

20 февральдә Кукмара районы территориясендә аномаль салкын һава торышы саклана. Бу хакта районның бердәм дежур-диспетчерлык хезмәте хәбәр итә.

«Алмашынучан болытлы һава. Төнлә бераз кар, көндез явым - төшемсез», - диелә хәбәрдә.

Көньяк-көнбатыштан төньяк-көнбатышка күчүче талгын җил исәчәк.

Төнлә -24-26 градуска кадәр салкын, урыны белән термометр баганалары -31 градуска кадәр төшәчәк. Көндез исә -16-19 градус салкын булачак, дип фаразлана.

Юлларда бозлавык саклана.

Аномаль салкыннар аркасында районда кисәтү игълан ителде.

Фото: Эльвира Мөбарәкшина/ «Хезмәт даны»