Кукмара районы эчке эшләр бүлеге начальнигы “Подписка бүләк ит” акциясендә катнашты

Район җитәкчеләре арасында “Подписка бүләк ит” акциясендә катнашу матур традициягә әйләнде. Кукмара районы эчке эшләр бүлеге начальнигы Рамил Нургалиев та әлеге акциядә даими катнаша, ул бу юлы да читтә калмады: Мәчкәрә коррекция мәктәбен 2019 елның беренче яртыеллыгына “Хезмәт даны” газетасына яздырды. Хәзер биредә эшләүчеләр һәм укучылар газетадан укып, район яңалыклары белән танышып бара алачаклар.

фото: Эльвира Мөбарәкшина, "Хезмәт даны"