Кукмара авылында янгын кеше яшәми торган ике йорт, сарай һәм мунчаны юк итә

Кукмара авылында янгын кеше яшәми торган ике йорт, сарай һәм мунчаны юк итә. Бу хакта Кукмара районының 117нче янгын сүндерү-коткару часте хәбәр итә.

24 август көнне 20.40 сәгатьтә 117нче янгын сүндерү-коткару частеның элемтә пунктына Плаксиха авылының Зеленая урамында йорт януы турында хәбәр алына.

Янгын сүндерүчеләр килгәндә, 18, 19нчы хуҗалыкларны тулысынча ут каплаган була, аның ике метр читтә урнашкан 20нче йортка таралу куркынычы да яный. Хуҗалар биналарда кешеләр юклыгы турында хәбәр итә.

Янгын нәтиҗәсендә 168 квадрат метр мәйданда кеше яшәми торган ике йорт, сарайлар, мунча кара күмергә әйләнә.

Фото: 117нче янгын сүндерү-коткару часте