“Баламишкин” гармунчылар ансамбле Су спорты төрләре буенча дөнья Чемпионатына килүчеләр өчен әзерләнгән концертта чыгыш ясаган

Район Мәдәният йорты каршында эшләп килүче "Баламишкин" гармунчылар ансамбле (җитәкчеләре Илгиз Зарипов) Казан -Арена стадионы янәшәсендә әзерләнгән ачык сәхнәдә - Су спорты төрләре буенча дөнья Чемпионатына килүче тамашачылар өчен әзерләнгән концертта катнашкан. Алар сәхнәдә икенче булып чыгыш ясаганнар. Фәйзулла Туишев исемендәге гармунчыларның республика конкурсының III дәрәҗә, "Иске Казан түгәрәк уен" конкурсының I дәрәҗә, үзешчән башкаручыларның республика ветераннары арасында "Балкыш" ("Сияние") фестивале лауреаты булган "Баламишкин"ның чыгышын һәркем көчле алкышлар белән каршы алган, татар халык көйләреннән тезмә Казан халкына, килгән кунакларга аеруча ошаган.