Туембашта буа төзекләндерелде

Туембашта ПМК "Мелиорация" җәмгыяте Саба җитәкчелегендәге төзелеш бригадасы авыл буасын төзекләндерү эшен тәмамлады. Биредә буаның каршы ягына 4 метр киңлектәге, 60 метр озынлыктагы фундамент салынды, 150 кубометр таш җәелде, сулык 1 метр 57 сантиметрга биегәйде. Пожарный гидрант куелды. Биянең элекке киңлеге 70 метр булса, хәзер 120 метрга җитте. Балаларга су коену өчен урын эшләнеп, анда ком түшәлде. Биредә шулай ук, балаларга киенү-чишенү урыны эшләнәчәк, суга балык җибәреләчәк.