Райондашыбыз фотоаппарат урлаган өчен тугыз айга төзәтү эшләренә хөкем ителгән

Район прокуратурасы 32 яшьлек райондашыбыз Алмаз Шәйхинуровка карата ачылган җинаять эше буенча дәүләт гаепләвен яклап чыккан. Бу хакта безгә прокурор ярдәмчесе Зөлфия Люткова җиткерде. Алмаз Шәйхинуров, быел август аенда Андреевлар фатирында булып, аш-су бүлмәсеннән Альбина Гайсинаның 4100 сумлык "Samsung PL50" фотоаппаратын урлый. Гаепләнүче район суды карары белән 9 айлык төзәтү эшләренә хөкем ителә. Хезмәт хакының 10 проценты дәүләт файдасына тотылып калыначак.

фото: http://56orb.ru/news/obshchestvo/propal_lyubovnik_i_fotoapparat.html