Мәмәшир авылындагы фап төзекләндерелде

Мәмәшир авылы медпункты фельдшеры Розалия Хәсәнҗанова хәбәр итүенчә, авыл дәваханәсендә зур ремонт эшләре башкарылган. Төзекләндерү барышында өч тәрәзә, баскыч төбендәге түбә алмаштырылган, керү юлы ремонтланган. Бина тышкы яктан профнастил калай белән төрелеп, түбәсе дә тулаем калай белән ябылган. 1974 елда сафка баскан бу бинаны төзекләндерү эшләре 9 көн дәвам иткән, аны шәхси эшмәкәр Илсур Шәрипов җитәкчелегендәге коллектив башкарган. Искәртеп узабыз: Мәмәшир җирлегендә 800дән артык кеше яши. Аларның барысы өчен дә медицина ярдәме шушы дәваханәдә күрсәтелә.

фото: http://images.yandex.ru/yandsearch