Мартта Кояш тотылачак

Март аенда ике астрономик күренеш күзәтеләчәк. 5 мартта 10сәгать 36 минутта Ай безнең планетабыздан иң ерак ноктасында булып, 13 процентка кечкенәрәк булып күренәчәк.

20 мартта тулы Кояш тотылу булачак. Моны Норвегия белән белән Исландия арасындагы диңгез өслегеннән тулысынча күреп булачак. Кояш тотылу 12 сәгать 12 минуттан 14 сәгать 26 минутка кадәр дәвам итәчәк. Аны Скандинавиянең кайбер илләрендә, Англиядә, ә безнең илнең төньяк регионнарында күзәтеп булачак. Мәскәүдә бу дулкынландыргыч күренешне 57 процентка гына күреп булыр. Галимнәр әнә шулай төгәл итеп исәпләп чыгарганнар. Яктырткычыбызның яртылаш тотылуын, көн болытлы булмаса, без дә күрә алырбыз, дип өметләнәбез.

Чыганак: http://www.menzela.ru/component/k2/item/8005.html

фото: http://www.epochtimes.ru/bilet-na-samolyot-s-vidom-na-zatmenie-budet-stoit-10-tysyach-rublej-98972187/