Лубянда “Яшел чаңгы юллары" дигән спорт бәйрәме үтте

Лубянга республиканың утыздан артык урман хуҗалыгы командалары "Яшел чаңгы юллары" ("Зеленая лыжня") дигән бәйгегә җыелдылар. Фестивальне ачу тантанасында урман хуҗалыгы министры Алмаз Назиров, Саба районы башлыгы Рәис Миңнеханов, район Башкарма комитеты житәкчесе урынбасары Азат Гарифуллин, Лубян урман көллияте директоры Афанасий Даниловлар катнашты.

Лубян урманнарын шаулатып удмурт, мари, татар, керәшен, рус ансамбльләре чыгыш ясадылар, бәйрәмгә кышкы сабантуй төсмере керде. Җиңүчеләргә килгәндә, Кама урман хуҗалыгы - беренче, сабалылар - икенче, Лубян командасы өченче урынга лаек булды, - дип хәбәр итте ярышның баш хөкемдары, спорт ветераны Артур Зәкиев.

фото: http://tarasburda.ru/2012/02