Купкада иганәчеләр ярдәме белән хоккей ярышы узды

Купка авылында 1996 елгы һәм аңа кадәр туган балалар арасында Рамил Зарипов белән Салават Вакказов истәлекләренә иганәчеләр ярдәме белән хоккей ярышы уздырылды. Ярышта Сәрдекбаш, Чишмәбаш, Аш-Буҗи, Күкшел, Вахит, Мәмәшир, Купка командалары үзара көч сынашты. Уен нәтиҗәләре буенча, 1 урында - Купка, 2 урында - Сәрдекбаш, 3 урында - Чишмәбаш, 4 урында Вахит командалары калды. Шулай ук, иң яхшы һөҗүмче дип, Купкадан Данис Зиннәтов, иң яхшы сакчы - Вахиттән Инсаф Габидуллин, иң яхшы капкачы - Сәрдекбаштан МаннурВилданов, иң яхшы капкачы Купкадан Айнур Батталов, иң матур уенчы - Купкадан Заһир Аккямов, иң өметле уенчы - Чишмәбаштан Фәннүр Шәрәфетдинов, иң яшь уенчы - Вахиттән Рәмзил Галиуллиннар табылды.