Кукмарада мәчеләр "котыра"

"Роспотребнадзор"ның Кукмара идарәсе, "Гигиена һәм эпидемиология үзәге"нең Кукмарадагы филиалыннан алынган мәгълүматларга караганда, 2012 елда 10 хайванда (Югары Чура, Зур Кукмара, Аш.Буҗида - өч төлкедә, Югары Чура, Ядегәр, Зур Сәрдек, Югары Күзмис, Зур Кукмарада - биш мәчедә, Лубянда - эттә, Янсыбы авылында мөгезле эре терлектә) котыру авыруы расланган булса, агымдагы елның март, апрель айларында Зур Сәрдек һәм Яңа Комар торак пунктларында мәчеләрнең котыру очраклары теркәлгән, 17 кеше профилактик прививкалар алган. Хайваннардан зыян күргән кешеләргә кичекмәстән дәваханәгә барырга кирәк.

фото: medportal.ru