Кукмарада "Балаларга хокукый ярдәм көне" үткәреләчәк

20 ноябрьдә районыбызда Бөтенроссия балаларга хокукый ярдәм көне үткәрелә. Бу көнне балаларга, аларның законлы вәкилләренә һәм аларны алыштыручыларга, шулай ук әти-әни тәрбиясеннән мәхрүм калган балаларны үз гаиләсенә тәрбиягә алырга теләүчеләргә балалар хокуклары, опека һәм бала белән ата-ана мөнәсәбәтләренең юридик яклары буенча бушлай хокукый консультацияләр биреләчәк. Әлеге мәсьәләләр буенча халыкны социаль яклау, опека һәм попечительлек органнары белгечләре, балигъ булмаганнар эшләре буенча инспекторлар 8 сәгатьтән 12 сәгатькә кадәр "Тылсым" халыкка социаль хезмәт күрсәтү үзәгендә кабул итәчәкләр.

Адресы: Кукмара поселогы, Степан Разин урамы, 63.

фото: http://tvoydmitrov.ru/den-pravovoj-pomoshhi-detyam/