Кайбер кукмаралылар кулларына тырма-себерке тотып чистарыну эшенә кереште

Эшкә килгәндә Кукмараның Ворошилов, Ленин урамнарының чистара башлавы күзгә ташланды. Иртәнге сәгатьләрдә үк җыештырырга чыгып, капка төпләрендәге чүп-чарларны себереп, тырмалаучылар күренде. Әйе, кыш буе кар астына җыелып килгән чүпләрдән "Чиста шәһәр" оешмасы эшчеләре генә арындырып бетерә алмый. Бердәм булсак кына яшәгән җиребез чиста, матур булыр.

Кукмарада һәрбер урам чистарту өчен оешма-учреждениеләргә бүлеп бирелде. Бу урамнардагы үз өйләре белән һәм күпкатлы йортларда яшәүчеләр дә җыештыру-чистарту эшләрендә актив катнашсыннар иде.

Кукмараның Восточный урамындагы кеше күзеннән читтә булган чүп түгү урынында да тиздән тәртип булыр дип ышанабыз.

Лилия НУРГАЛИЕВА

фото: https://yandex.ru